Ռազմավարական մարքեթինգի բաժնի ղեկավար

Աշխատանքի նկարագրություն՝

Առաջնորդել Telcell-ի ռազմավարական մարքեթինգի ուղղությունը՝ ապահովելով ընկերության երկարաժամկետ մրցակցային դիրքավորումը, շուկայի խորքային վերլուծության վրա հիմնված ռազմավարությունների մշակումն ու իրագործումը, ինչպես նաև խաչաձև թիմերի համակարգված աշխատանքը։

Աշխատանքային պարտականություններ

1․ Մարքեթինգային ռազմավարության ղեկավարում

• Զարգացնել և իրականացնել ընկերության գլոբալ մարքեթինգային ռազմավարությունը՝ համաձայն բիզնեսի առաջնահերթությունների,
• Համակարգել բրենդային, ապրանքային և գովազդային ռազմավարությունները՝ ապահովելով շուկայի միասնական դիրքավորում,
• Ապահովել ռազմավարությունների համապատասխանեցումը շուկայի փոփոխություններին և մրցակցային միջավայրին։

2․ Խաչաձև նախագծերի ղեկավարում

• Ղեկավարել խոշոր ռազմավարական նախագծեր՝ ներգրավելով ապրանքային, թվային, վաճառքի, ՏՏ և PR թիմերը,
• Սահմանել OKR/KPI-ներ ռազմավարական նախագծերի համար և վերահսկել դրանց իրականացման ընթացքը,
• Կառավարել event marketing նախագծերը՝ ապահովելով բրենդային համապատասխանություն և արդյունավետ կազմակերպում։

​​​​​​​3․ Շուկայի և սպառողի վերլուծություն

• Կայացնել տվյալներով հիմնավորված ռազմավարական որոշումներ՝ կիրառելով վերլուծական գործիքներ,
• Իրականացնել շուկայի, մրցակիցների և հաճախորդների վարքագծի պարբերական ուսումնասիրություն,
• Կառուցել մեխանիզմներ, որոնք ապահովում են հաճախորդների կարիքների, կարծիքների և սպասումների ներառումը ռազմավարական որոշումների մշակման և իրականացման գործընթացում։

4․ Թիմի կառավարման և զարգացման պատասխանատվություն

• Ձևավորել և զարգացնել ռազմավարական մարքեթինգի թիմը՝ ապահովելով դերերի հստակ բաժանում, աճի պլանների մշակում և արդյունավետության գնահատում,
• Ապահովել արդյունավետ փոխհամագործակցություն ընկերության այլ ստորաբաժանումների հետ։

5․ Համագործակցություն Digital ստորաբաժանման հետ

• Թվային մարքեթինգի ստորաբաժանման հետ միասին կոորդինացնել նորարարական նախագծերի ներդրում՝ ներառյալ գեյմիֆիկացիա, AI, chatbot-եր, նորարական ալիքների փորձարկում, և այլ MarTech լուծումների ընտրություն ու կիրառում։

​​​​​​​ 6․ Գործընկերային համագործակցությունների և արտաքին կապերի զարգացում

• Ռազմավարական գործընկերությունների նախաձեռնություն և զարգացում՝ արտաքին կազմակերպությունների, հարթակների և ապրանքանիշների հետ,
• Մարքեթինգի ստորաբաժանման շահերի ներկայացում արտաքին համագործակցություններում և միջկազմակերպչական նախաձեռնություններում։

7․ Հաշվետվություն և ներկայացում ղեկավարությանը

• Ներկայացնել ռազմավարական նախագծերի ընթացքը և արդյունքները ղեկավարությանը,
• Պատրաստել տվյալների վերլուծությամբ հիմնավորված առաջարկներ։

Անհրաժեշտ հմտություններ

• Բարձրագույն կրթություն մարքեթինգի, տնտեսագիտության կամ բիզնես կառավարման ոլորտում,
• Առնվազն 5 տարվա փորձ ռազմավարական մարքեթինգի ղեկավար պաշտոնում, նախընտրելի է՝ տեխնոլոգիական կամ ֆինանսական ոլորտներում,
• Թվային մարքեթինգի և տվյալահեն որոշումների կայացման փորձ,
• Շուկայի վերլուծության, MarTech գործիքների և նախագծերի կառավարման (Agile/Waterfall) համակարգերի իմացություն,
• Հայերենի և ռուսերենի գերազանց իմացություն,
• Լիդերշիփի հմտություններ՝ թիմին մոտիվացնելու և ուղղորդելու կարողություն,
• Ռազմավարական և քննադատական մտածողություն,
• Հիմնավորված որոշումների կայացման և բարդ խնդիրներ լուծելու ունակություն,
• Բարձր հաղորդակցման և ներկայացման հմտություններ,
• Ճկունություն և արագ կողմնորոշվելու ունակություն փոփոխվող միջավայրում։