Telcell Terminal-ները շարունակում են կատարելագործվել, և այսուհետ դու կարող ես օգտվել My Telcell-ից, որը քո անձնական տիրույթն է և միավորում է Telcell Terminal-ն ու Telcell Wallet-ը։ 

Էկոհամակարգային մոդելը քեզ հասանելիություն է տալիս Telcell Wallet-ի քո  հաճախ կատարվող և ընտրված գործարքներին, գործարքների պատմությանը և խմբային վճարումներին։ Այսինքն՝ այն, ինչ դու կատարում ես հավելվածում, հասանելի կլինի տերմինալի քո անձնական էջում և հակառակը։ 

Կարևոր է

My Telcell-ը հասանելի է Telcell Wallet հավելվածում գրանցված և նույնականացված օգտատերերի համար։ Իմացիր՝ ինչպես նույնականանալ Telcell Wallet-ում, այստեղ: 

Մուտք գործիր My Telcell մեկ սքանավորմամբ.

• մուտք գործիր Telcell Wallet հավելված և բացիր տեսախցիկը՝ գլխավոր էջում սեղմելով QR սքան,
• տեսախցիկով սքանավորիր Telcell Terminal-ի էկրանին ցուցադրված My Telcell QR կոդը, և համակարգը քեզ ավտոմատ կտեղափոխի Անձնական էջ:

Push ծանուցման միջոցով.

• տերմինալի գլխավոր էկրանին ընտրիր Push ծանուցում,
• մուտքագրիր Telcell Wallet-իդ հեռախոսահամարը,
• հաստատիր մուտքը՝ բացելով Telcell Wallet-իդ ստացված ծանուցումը։

Բանկային քարտով.

• տերմինալի գլխավոր էկրանին ընտրիր բանկային քարտ (այս քայլը պարտադիր չէ),
• Apple Pay-ի կամ Google Pay-ի միջոցով բացիր Telcell Wallet-ի քո Visa թվային քարտը,
• բացված քարտով հեռախոսդ մոտեցրու տերմինալի վրայի մանուշակագույն ընթերցիչին։

Ինչ հնարավորություններ ունի My Telcell էկոհամակարգը

• Մեկ նույնականացում բոլոր գործարքների համար

My Telcell մուտք գործելուց հետո պետք չէ նույնականանալ ամեն գործարքի համար. մեկ անգամ սքանավորելով նույնականացման QR կոդը՝ կարող ես կատարել անհրաժեշտ բոլոր գործարքները: 

Ավարտելուց հետո պարզապես դուրս արի անձնական էջից: Սակայն նույնիսկ եթե մոռանաս անել դա, անվտանգության նկատառումներից ելնելով՝ համակարգը վերջին գործողությունից որոշ ժամանակ անց ավտոմատ դուրս կգա քո անձնական էջից:

• Ընտրված և հաճախակի գործարքներ

Հեշտությամբ կատարիր վճարումներ՝ տեսնելով ընտրված և հաճախակի կատարվող գործարքների ցանկը, որն ակնթարթորեն սինխրոնացվում է Telcell Terminal-ի և Telcell Wallet-ի միջև։

• Խմբային վճարումներ

Հավաքիր վճարումները մեկ զամբյուղում և կատարիր վճարումը մեկ հպումով։

• Միասնական պատմություն

Ստացիր ինչպես Telcell Wallet-ի, այնպես էլ Telcell Terminal-ի գործարքների քաղվածքները:

My Telcell-ը քեզ տալիս է արագ և անվտանգ հասանելիություն Telcell Terminal-ից Telcell Wallet և հակառակը` ստեղծելով միասնական տիրույթ գործարքներն ավելի հարմար կատարելու համար: 

Հեշտացրու կյանքդ մեկ սքանավորմամբ։