Այսուհետ կարող ես գումար կանխիկացնել ինչպես Telcell Wallet-ին կցված բանկային հաշիվներից, այնպես էլ անմիջապես Wallet-ի հաշվեկշռից։ Ընտրի՛ր քեզ առավել հարմար տարբերակը՝ մանուշակագույն Telcell Terminal-ների միջոցով կամ մոտենալով Telcell-ի սպասարկման մասնաճյուղեր։
1. Կանխիկացում Telcell-ի մասնաճյուղերում
Մասնաճյուղերից կանխիկացման համար հավելվածում որևէ լրացուցիչ գործողություն անելու կարիք չկա։ Պարզապես անձնագրով (կամ նույնականացման քարտով) մոտեցիր Telcell-ի ցանկացած մասնաճյուղ, և մեր աշխատակիցը կիրականացնի գործարքը։
Պայմաններ և սահմանաչափեր․
- Միջնորդավճար՝ 1%
- Նվազագույն գումար՝ 1000 դրամ
- Մեկ գործարքի առավելագույն սահմանաչափ՝ 1,000,000 դրամ
- Օրական առավելագույն սահմանաչափ՝ 5,000,000 դրամ
- Ամսական առավելագույն սահմանաչափ՝ 20,000,000 դրամ
2. Կանխիկացում Telcell Terminal-ով
Կանխիկացումը հնարավոր է իրականացնել ինքնուրույն՝ հատուկ մանուշակագույն Telcell Terminal-ների միջոցով։
Ինչպես անել․
- Telcell Terminal-ի էկրանին ընտրիր «Telcell Wallet» → «Կանխիկացում» տարբերակը,
- մուտքագրիր Telcell Wallet հավելվածում գրանցված քո հեռախոսահամարը,
- ընտրիր, թե որտեղից է կատարվելու կանխիկացումը՝ Telcell Wallet-ի հաշվեկշռի՞ց, թե՞ կցված բանկային հաշվից,
- եթե ընտրել ես բանկային հաշիվ և ունես մի քանիսը, ընտրիր համապատասխան բանկը,
- մուտքագրիր կանխիկացվող գումարի չափը,
- տերմինալի էկրանին կնշվի, թե քանի փուլով է տրամադրվելու գումարը,
- սեղմիր «Հաստատել» (կամ «Չեղարկել»՝ գործընթացն ընդհատելու համար),
- եթե գումարը տրամադրվում է մի քանի փուլով, յուրաքանչյուր փուլից հետո սեղմիր «Շարունակել»,
- տերմինալի էկրանին բացված QR կոդը սքանավորիր հեռախոսի տեսախցիկով կամ Telcell Wallet հավելվածով,
- սեղմիր «Ստանալ կանխիկը» գործարքը հաստատելու համար,
- գործարքի ավարտին կստանաս ծանուցում քո Telcell Wallet-ին։
Ինչ պետք է իմանալ տերմինալով կանխիկացնելիս․
- Կանխիկացումը հասանելի է միայն Telcell Wallet հավելվածում գրանցված և նույնականացված օգտատերերին։
- Կանխիկացման միջնորդավճարը կազմում է 1.5%։
- Մեկանգամյա կանխիկացման սահմանաչափն է 100,000 դրամ։
Որտե՞ղ կանխիկացնել տերմինալով․
Կանխիկացման գործառույթով մանուշակագույն Telcell Terminal-ները տեղակայված են՝
- Երևանի մետրոպոլիտենի բոլոր կայարաններում
- Yerevan City սուպերմարկետների հետևյալ հասցեներում՝
- Ավան, Հովհաննիսյան 24/7
- Արաբկիր, Կոմիտաս 60/2
- Դավթաշեն, Տ. Պետրոսյան 25/5
- Կենտրոն, Տիգրան Մեծ 10
- Կենտրոն, Մաշտոց 5
- Մալաթիա-Սեբաստիա, Րաֆֆի 55/1
- Մալաթիա-Սեբաստիա, Օհանովի 26/9
- Մալաթիա-Սեբաստիա, Սեբաստիա 141/5
- Շենգավիթ, Բագրատունյաց 5/3
- Քանաքեռ-Զեյթուն, Ռուբինյանց 15/5
