Մարքեթինգի բաժնի ղեկավար

Աշխատանքի Նկարագրություն

Telcell-ի Մարքեթինգի Բաժնի Ղեկավարը կարևոր դեր է խաղում ընկերության գովազդային ռազմավարությունների ուղղորդման գործում՝ ներառելով թե՛ ավանդական, թե՛ թվային մոտեցումները՝ ընկերության աճին նպաստելու նպատակով: Այս ղեկավար դիրքը պահանջում է խորը պատկերացում մարքեթինգի ընդհանուր ռազմավարությունների և գործիքների մասին, գործընթացների արդյունավետ կառավարում և դրանց համապատասխանեցումը Telcell-ի բիզնես նպատակներին:

Պարտականություններ

Մշակել համապարփակ մարքեթինգային ռազմավարություններ.

• Մշակել և իրականացնել մարքեթինգային ռազմավարություններ, որոնք ներառում են թե՛ ավանդական մեդիան, թե՛ թվային գործիքներ, ինչպիսիք են որոնման համակարգերի օպտիմալացումը (SEO), առցանց գովազդը, սոցիալական մեդիան և content-ի ստեղծումը:
• Հիմնվելով հաճախորդների արձագանքերի և տվյալների վրա կայացնել մարքեթինգային որոշումներ, ինչպես նաև մեծացնել հաճախորդների ներգրավվածությունը,
• Մշտապես հետևել մարքեթինգի նորագույն զարգացումներին՝ ապահովելու համար Telcell-ի առաջատար դիրքը թե՛ տեխնոլոգիական, թե՛ ավանդական մարքեթինգային մոտեցումներում:

Կատարելագործել մարքեթինգի գործընթացները.

• Բարելավել և օպտիմալացնել մարքեթինգային ռազմավարությունները՝ ապահովելու համար արշավների և այլ մարքեթինգային նախաձեռնությունների արդյունավետ իրականացումը:
• Օգտագործել նախագծերի կառավարման գործիքներ (օրինակ՝ Asana և ընկերության ներքին գործիքները)՝ հետևել վերջնաժամկետներին, բյուջետային սահմանափակումներին և ռեսուրսների բաշխմանը:
• Ստեղծել շարունակական բարելավման միջավայր՝ պարբերաբար գնահատելով և կատարելագործելով մարքեթինգային ռազմավարություններն ու գործընթացները:

Մարքեթինգային գործիքների փորձառություն.

• Տիրապետել մարքեթինգային հարթակների օգտագործմանը, ներառյալ ավտոմատացման տեխնոլոգիաներին (CRM ծրագրեր, Firebase, Appsflyer):
• Նոր տեխնոլոգիաների, օրինակ՝ արհեստական բանականության կիրառմամբ, բարելավել կանխատեսումները և ավտոմատացումը մարքեթինգային մարտավարություններում:

Ֆինանսական ռազմավարական հսկողություն.

• Կառավարել մարքեթինգային բյուջեն՝ ապահովելու ռեսուրսների օպտիմալ բաշխումը լավագույն արդյունքների համար:
• Կնքել պայմանագրեր մատակարարների հետ՝ ապահովելու լավագույն որակն առավել մատչելի գներով:

Առաջնորդություն.

• Կապ ապահովել մարքեթինգային և այլ բաժինների միջև՝ համոզվելու համար, որ մարքեթինգային ծրագրերը համահունչ են վաճառքների և ընկերության ընդհանուր նպատակներին:
• Մոտիվացնել և առաջնորդել մարքեթինգային թիմը՝ խթանելով նոր գաղափարներ և նախաձեռնող ռազմավարություններ:
• Ներկայացնել կազմակերպության ղեկավարներին բարդ մարքեթինգային տվյալներն ու ռազմավարական խորհուրդները պարզ և ազդեցիկ ձևով:

Պահանջվող որակավորումներ

• Բակալավրի աստիճան Մարքեթինգի կամ Բիզնես Կառավարման ոլորտում (նախընտրելի է մագիստրոսի աստիճան):
• Մարքեթինգի ոլորտում 5-10 տարվա փորձ, որից առնվազն 3 տարին՝ մարքեթինգի ղեկավար հաստիքում, ցանկալի է բանկային, հեռահաղորդակցման կամ ֆինթեք ոլորտներում:
• Խորը գիտելիքներ մարքեթինգի ընդհանուր պրակտիկայի և թվային գործիքների վերաբերյալ:
• Տվյալների վերլուծության և դրանց հիման վրա ռազմավարական եզրակացություններ անելու կարողություն:
• Առաջնորդության և հաղորդակցության գերազանց հմտություններ,  ղեկավար անձնակազմի  հետ համագործակցության ունակություն:
• Բյուջեի կառավարման և ֆինանսական պլանավորման հմտություններ: