Բարեգործ աստղեր… ինչպես դառնալ նրանցից մեկը

Բարերար, երախտագործ, երախտաբար, երախտավոր, երախտաշնորհ, բարեսեր. բարեգործ բառի հոմանիշների ոչ ամբողջական ցանկն է, ու ակնհայտ է՝ բառերից յուրաքանչյուրը կառուցված է բարության, երախտիքի ու սիրո հիմքով։ Այսօր կպատմենք այն աստղերի մասին, որոնց փայլը ներսից է ու այնքան ուժեղ, որ լուսավորում է նաև ուրիշների կյանքը։ 

Անջելինա Ջոլի

Ամենագեղեցիկ ու ազդեցիկ կանանցից մեկի՝ Անջելինա Ջոլիի բարեգործությունների թիվն անհաշվելի է: Ամեն ինչ սկսվեց «Լառա Քրոֆթ» ֆիլմից, որի նկարահանումները Կամբոջայում էին: Հենց այնտեղ նա առաջին անգամ տեսավ իրական կյանքը: Ավելին իմանալու նպատակով Ջոլին տուն վերադառնալուն պես զանգահարեց ՄԱԿ-ի՝ փախստականների հարցերով գերագույն հանձնակատարի գրասենյակ: Այդուհետ սկսեց այցելել աշխարհի տարբեր ծայրերում փախստականների ճամբարներ, միլիոնավոր դոլլարներ նվիրաբերել վերոնշյալ գրասենյակին՝ դառնալով նրանց ամենախոշոր հովանավորն ու դեսպանը: Հաջորդող 10 տարիներին Ջոլին այցելեց փախստականների ավելի քան 40 ճամբար, օգնեց հազարավոր մարդկանց ու տասնյակից ավելի հիմնադրամների, հիմնեց իրենը՝ Jolie-Pitt բարեգործական հիմնադրամը, զբաղվեց մարդու, հատկապես կանանց իրավունքների պաշտպանությամբ՝ հիմնելով Jolie Legal Fellowship-ը, և սա դեռ ամենը չէ…

Զուր չէ, որ Ջոլին դարձել է առաջին մարդը, ով ստացել է ՄԱԿ-ի «Աշխարհի քաղաքացի» կոչումը։ 

Ջորջ Քլունի

Քլունիի անունը հաճախ ենք տեսնում բարեգործական տարբեր գովազդներում: Դերասանն աջակցում է ավելի քան 36 բարեգործական ընկերության: Նրա բարեգործությունները հիմնականում միտված են մարդու իրավունքների պաշտպանությանը: 2008-ին Բրեդ Փիթը Մեթ Դեյմոնի ու մի շարք այլ դերասանների հետ հիմնեց Not On Our Watch Project բարեգործական կազմակերպությունը, որը փորձում է կանխել զանգվածային սպանություններն ու դաժանությունները։ 2010թ. Քլունին գումար կուտակեց Հաիթիի երկրաշարժի արդյունքում տուժածների համար, հետագայում աջակցեց Սիրիայից ԱՄՆ գաղթած ընտանիքներին, սեռերի անհավասարության դեմ պայքարին, ԱՄՆ-ում ատրճանակի ազատ օգտագործման օրենքի դեմ պայքարին ու շատ այլ նախաձեռնությունների։ Անկարելի է չնշել, որ Ջորջ Քլունին նաև Հայոց ցեղասպանության ճանաչման հարցով զբաղվող ակտիվիստներից է, ինչպես նաև մասն է հայտնի «100 Lives»/«100 կյանք» նախաձեռնության:

Ադել 

Ադելը այն բարեգործ-աստղերից է, ովքեր չեն բարձրաձայնում իրենց բարերարությունների մասին, սակայն դա չի նշանակում, որ երկրպագուները չեն տեսնում դրանք։ Դեռևս չէին հասցրել մարել հրդեհը, որ 2015թ․ հունիսի 14-ին բռնկվել էր Լոնդոնի Քենսինգթոն շրջանի Grenfell Tower բազմահարկ շենքում, երգչուհին արդեն ժամանել էր դեպքի վայր: Ադելը մխիթարում էր տուժածներին՝ ինչպես կարողանում էր․ գրակախառնություններ, արցունքներ, սեր… սակայն նրա աջակցությունը սոսկ բարոյական չէր։ Որպես կանոն՝ նման դեպքերում աստղերի PR-մենեջերները ողբերգության վայրից լուսանկարներ ու տեսանյութեր են հրապարակում սոցցանցերում, ուղարկում ԶԼՄ-ներին, բայց ոչ Ադելի դեպքում։ Նրա լուսանկարները տարածել էին Grenfell Tower-ի բնակիչները, ովքեր ճանաչել էին երգչուհուն: 

Թեև հիմնադրամներ հիմնելն ու Աֆրիկայում դպրոցներ կառուցելը համարժեք աստղային միջոցներ են պահանջում, սակայն օգտակար լինելու համար ամենևին էլ էական չէ բարեգործության ծավալը, բավարար է փոքրիկ լումա ունենալ մարդկության բարեկեցության հարցում։ Հատկապես, երբ դա շատ հեշտ է Telcell Wallet-ի օգնությամբ և ահա ինչպես…

• Բացիր էլեկտրոնային դրամապանակդ ու սեղմիր «Վճարել» կոճակը
• Գտիր «Բարեգործություն» բաժինը
• Ընտրիր՝ որ հիմնադրամին ես ցանկանում գումար նվիրաբերել